|
| మరి కొన్ని డ్రింక్స్ రుచులు |
| సలహాలు & సూచనలు |
కావలసిన పదార్థాలు
*వెన్న తీయని పాలు - అరలీటరు
* పంచదార - 350 గ్రాములు
* పెరుగు - 30 గ్రాములు
* కొద్దిగా లోతు
* వెడల్పు ఉన్న చిన్న మట్టికుండ..
తయారుచేయు విధానం
పాలల్లో 200 గ్రాముల పంచదార వేసి సన్నని సెగమీద 45 నిమిషాల పాటు మరగ కాచండి. పాలు కాగుతున్నంత సేపూ గరిటతో తిప్పుతూనే ఉండండి.
పాలు చిక్కగా లేత ఎరుపు రంగుకి మారగానే దించి పక్కకు పెట్టండి. మిగిలిన 100 గ్రాముల పంచదారని మందపాటి గిన్నెలోకి తీసుకుని 50 మి.లీ నీళ్లు పోసి కలుపుతూ ముదురు ఎరుపురంగులోకి మారే వరకూ సన్నని సెగపై ఉంచండి.
ఈ పంచదారని కొద్దికొద్దిగా కాగినపాలలో కలిపి మళ్లీ 15 నిమిషాల వరకూ కాచండి. సెగ తీసివేసి మిశ్రమం గోరువెచ్చగా మారేంతవరకూ గిలకొడుతూనే ఉండండి. తరువాత దానిని మట్టికుండలోకి మార్చి ఐదునిమిషాల తరువాత పెరుగుని చేర్చండి.
కొంచెం చల్లగా ఉన్నచోట మట్టికుండని పెట్టి దానిని పూర్తిగా బట్టతో కప్పి 8-12 గంటలు కదపకుండా ఉంచండి. ఈ సమయం పూర్తయ్యేంత వరకూ దానిని తెరచి చూడకూడదు..కదిలించకూడదు. తరువాత తీసి కాసేపు ఫ్రిజ్‌లో ఉంచి చల్లగా తినండి.
తయారుచేయు విధానం
No comments:
Post a Comment