అనప బర్ఫీ
| మరి కొన్ని బర్ఫీ రుచులు |
| సలహాలు & సూచనలు |
కావలసిన పదార్థాలు
*సొరకాయ తురుము- 1/2 కేజీ
* నెయ్యి- 1 టేబుల్‌ స్పూను
* పంచదార- 3/4 కప్పు
* యాలకుల పొడి- 1/4 టీ స్పూను
* బాదం తురుము- 4 టీ స్పూన్లు
* పచ్చి కోవా/పనీర్‌/కాటేజ్‌ చీజ్‌- 1/4 కేజీ
తయారుచేయు విధానం
బాణలిలో నెయ్యి వేడి చేసి సొరకాయ తురుమును వేసి వేగించాలి. పదార్థం నుంచి నీరు విడుదలవుతుండగా పంచదార వేసి బాగా కలపాలి.
మంట మధ్యస్థంగా ఉంచి నీరంతా ఆవిరి అయ్యే వరకూ కలుపుతూ వేగించాలి. తరువాత పనీర్‌/ కోవా/ కాటేజ్‌ చీజ్‌ల్లో ఏదో ఒక దానిని వేసి కావాలనుకుంటే గ్రీన ఫుడ్‌ కలర్‌ కూడా వేసుకుని బాగా కలిపి మరో ఐదు నిమిషాలు కలుపుతూ ఉడికించాలి.
ఆ తరువాత యాలకుల పొడి, బాదం తురుము వేసి కలిపి పదార్థాన్నంతా నెయ్యి రాసిన పళ్ళెంలో సమానంగా పరచి ఆరిన తరువాత ముక్కలు కోయాలి.
No comments:
Post a Comment