 సాల్టెడ్ కారమిల్ పన్నాకోట |
క్రీం- ముప్పావుకప్పు పాలు-అరకప్పు చక్కెర- అరకప్పు వెనిల్లా ఎసెన్స్- టేబుల్ స్పూను జిలాటిన్- రెండు చెంచాలు ఉప్పు- చిటికెడు
టాపింగ్ కోసం
చక్కెర- పావుకప్పు డ్రైఫ్రూట్స్- అరకప్పు(జీడిపప్పు వాల్నట్లు బాదం వంటివి)
ముందుగా గ్లాసు వేణ్నీళ్లలో జిలాటిన్ కలిపి పెట్టుకోవాలి. తరవాత ఒక గిన్నెలోకి పాలూ, క్రీం, వెనిల్లా ఎసెన్స్ తీసుకుని ఓవెన్లో నలభై సెకన్లు ఉంచాలి. ఒకసారి బయటకు తీసి బాగా కలిపి మళ్లీ ఓ ముప్ఫై సెకన్లు ఓవెన్లో ఉంచాలి.
ఇప్పుడు ఒక మందపాటి పాన్లో టేబుల్ స్పూను నీళ్లు తీసుకుని అందులో చక్కెర వేసి పొయ్యిమీద పెట్టాలి. కాసేపటికి చక్కెర కరిగి పాకంగా మారి ముదురు రంగులోకి వచ్చేస్తుందీ మిశ్రమం.
అందులో ముందుగా ఓవెన్లో వేడిచేసిన క్రీం మిశ్రమాన్ని కలపాలి. కాసేపయ్యాక జిలాటిన్ మిశ్రమం, ఉప్పు వేసి పొయ్యి కట్టేయాలి. తరవాత దీన్ని మూసలోకి తీసుకుని నాలుగు గంటలపాటు ఫ్రిజ్లో ఉంచాలి.
ఈ మిశ్రమం గట్టిపడేలోగా టాపింగ్తయారుచేసుకోవాలి. టేబుల్ స్పూను నీటిలో చక్కెర కలిపి పాకం వచ్చేవరకూ పొయ్యి మీద ఉంచాలి. తరవాత డ్రైఫ్రూట్స్ పలుకులు వేసి బాగా కలిపి దింపేయాలి. మూసలో వేసిన మిశ్రమం గట్టిగా అయ్యాక ఈ టాపింగ్పై వాటిపై వేసి అలంకరిస్తే చాలు.
No comments:
Post a Comment