 టొమాటో ఢోక్లా |
సెనగపిండి - కప్పు కొబ్బరి తురుము - పావుకప్పు ఆవాలు - అరచెంచా బొంబాయిరవ్వ - టేబుల్‌ స్పూను వంటసోడా - అరచెంచా ఉప్పు - తగినంత చక్కెర - అరచెంచా టొమాటోరసం - ముప్పావు కప్పు నూనె - టేబుల్‌స్పూను కొత్తిమీర తరుగు -కొద్దిగా.
ఓ గిన్నెలో సెనగపిండి, బొంబాయిరవ్వ, ఉప్పు, వంటసోడా తీసుకుని బాగా కలపాలి. టొమాటోరసంలో చక్కెర కలిపి దాన్ని సెనగపిండిలో వేసుకుని మరోసారి కలపాలి.
వెడల్పాటి గిన్నె అడుగున కొద్దిగా నూనె రాసి ఇందులో ఈ పిండిని తీసుకుని ఆవిరిమీద ఉడికించుకోవాలి. పిండి ఉడికి గట్టి రొట్టెలా తయారవుతుంది.
దీన్ని ఓ పళ్లెంలోకి తీసుకుని ముక్కల్లా కోసుకోవాలి. బాణలిలో మిగిలిన నూనెను వేడిచేసి ఆవాలు వేయించి ఈ ముక్కలపై వేయాలి. చివరగా వడ్డించేముందు కొబ్బరి తురుమూ, కొత్తిమీర తరుగూ ఈ ముక్కలపై చల్లితే సరిపోతుంది.
No comments:
Post a Comment