కొరియాండర్‌ రోస్టెడ్‌ చికెన్‌
చికెన్‌ - కేజీ వెన్న - 30´ గ్రా వెల్లుల్లి ముద్ద- 25 గ్రా మిరియాలపొడి - 15 గ్రా ఆవాల ముద్ద- 25 గ్రా ఉప్పు - రుచికి తగినంత ఆస్పరాగస్‌- నాలుగు ముక్కలు బీన్స్‌ - ఆరు బ్రకోలీ - మూడు పువ్వులు జుకిని గ్రీన్‌ ఎల్లో- రెండు స్లైసుల చొప్పున పాలకూర - రెండుమూడు ఆకులు బంగాళాదుంపలు- రెండు క్యారెట్‌ తరుగు- కొద్దిగా ఉల్లిపాయ ముక్కలు - అరకప్పు కొత్తిమీర తరుగు - అర కప్పు.
చికెన్‌ను శుభ్రంగా కడగాలి. ఇప్పుడు వెన్న, వెల్లుల్లి ముద్ద, ఆవాల ముద్ద, ఉప్పు, కొద్దిగా కొత్తిమీర తరుగు, కొద్దిగా మిరియాలపొడి అన్నింటినీ గిన్నెలోకి తీసుకొని బాగా కలపాలి.
ఈ మిశ్రమాన్ని చికెన్‌ను పట్టించి పక్కనపెట్టాలి. కొద్దిసేపయ్యాక ఫ్రిజ్‌లో ఉంచాలి. కాసేపటికి వెన్న గట్టిగా అవుతుంది.
తరవాత బంగాళాదుంపలను ఉడికించి చల్లారాక చేత్తో మెత్తగా చిదిమి పక్కన పెట్టుకోవాలి. ఈలోపు చికెన్‌ను తీసి ఓవెన్‌లో 180 డిగ్రీల వద్ద అరగంటపాటు ఉంచాలి.
ఇది నెయ్యితో వేడవుతుంది. ఇప్పుడు ముక్కలుగా కోసి పళ్లెంలోకి తీసుకొని కొత్తిమీర తురుము, మిరియాలపొడి, ఉప్పు, ఉడికించిన బంగాళాదుంప ముద్ద, కాయగూరలతో అలంకరిస్తే వేడివేడి కొరియాండర్‌ రోస్టెడ్‌ చికెన్‌ సిద్ధమయినట్టే.
No comments:
Post a Comment