పాప్‌కార్న్‌ మిక్స్చర్‌
పాప్‌కార్న్‌- రెండు కప్పులు బియ్యప్పిండి- ఒక కప్పు పల్లీలు- ఒక కప్పు జీడిపప్పు బాదం కలిసి- అర కప్పు నూనె- రెండు కప్పులు కారం- రెండు టీ స్పూన్లు ఉప్పు- తగినంత నెయ్యి- రెండు టీ స్పూన్లు జెమ్స్‌- అర కప్పు నీరు- తగినంత.
బియ్యంపిండిలో ఉప్పు, కారం వేసి కొద్దిగా నీళ్లు పోసి, గట్టిగా కలుపుకోవాలి. ఒక బాణలిలో నూనె పోసి, వేడెక్కాక కలిపిపెట్టిన బియ్యంపిండితో సన్నటి మురుకులు వేసుకోవాలి.
మురుకులు తీసిన తర్వాత పల్లీలు, బాదం, జీడిపప్పు కూడా అదే నూనెలో వేగించాలి. తర్వాత నెయ్యిని కరిగించి పాప్‌కార్న్‌పై వేసి బాగా కలపాలి.
దీంట్లో వేగించిన పల్లీలు, బాదం, జీడిపప్పు వేసి కలపాలి. చివర్లో మురుకులను కూడా చేత్తో నలిపి ముక్కలు చేసి ఈ మిశ్రమానికి జతచేయాలి
చివర్లో జెమ్స్‌ కూడా వేయాలి. ఈ పాప్‌కార్న్‌ మిక్స్చర్‌ స్వీటు, హాట్‌ కలగలిపిన రుచితో కొత్తగా ఉంటుంది.
No comments:
Post a Comment