మీల్‌‌మేకర్ పులావ్
| మరి కొన్ని పులావ్ రుచులు |
| సలహాలు & సూచనలు |
కావలసిన పదార్థాలు
*బాస్మతి బియ్యం- ఒకటిన్నర కప్పు
* మీల్‌ మేకర్‌- ఒక కప్పు
* తరిగిన ఉల్లిపాయలు- రెండు
* పచ్చిమిర్చి- రెండు
* అల్లంవెల్లుల్లి ముద్ద- ఒక టీ స్పూను
* పసుపు- చిటికెడు
* కారం- ఒక టీ స్పూను
* పుదీనా- రెండు టీ స్పూన్లు
* కొత్తిమీర- రెండు టీ స్పూన్లు
* బిర్యానీ ఆకు- ఒకటి
* యాలకులు- రెండు
* లవంగాలు- రెండు
* దాల్చినచెక్క- అంగుళం ముక్క
* నూనె లేదా నెయ్యి- ఒక టేబుల్‌ స్పూను
* ఉప్పు- తగినంత
* నీళ్లు- తగినన్ని
*
మసాలా కోసం
*సోంపు- ఒక టీ స్పూను
* యాలకులు- మూడు
* లవంగాలు- మూడు
* దాల్చినచెక్క- చిన్న ముక్క.
తయారుచేయు విధానం
బాస్మతి బియ్యాన్ని కడిగి 30 నిమిషాలు నానబెట్టుకోవాలి. అలాగే వేడినీటిలో మీల్‌ మేకర్‌, కొద్దిగా ఉప్పు వేసి 10 నిమిషాలు నానబెట్టాలి.
ఒక బాణలిలో సోంపు, దాల్చిన చెక్క, లవంగాలు, యాలకులు వేసి వేగించి మసాలా పొడి చేసుకొని పెట్టుకోవాలి.
నీరు మొత్తం పోయేలా మీల్‌మేకర్‌ను చేతులతో పిండాలి. తర్వాత కొద్దిగా ఉప్పు, కారం, మసాలా వేసి కలిపిపెట్టుకోవాలి.
ఒక బాణలిలో నూనె పోసి వేడెక్కాక బిర్యానీ ఆకు, యాలకులు, లవంగాలు, దాల్చిన చెక్క వేసి వేగించాలి. తర్వాత తరిగిన ఉల్లిపాయలు, పచ్చిమిర్చి, ఉప్పు వేసి వేగించాలి.
ఉల్లిపాయలు దోరగా వేగిన తర్వాత అల్లంవెల్లుల్లి ముద్ద, పసుపు, కారం, మీల్‌ మేకర్‌ వేసి మూతపెట్టి 5 నిమిషాలు ఉడకనివ్వాలి
ఆ తర్వాత కొత్తిమీర, పుదీనా, బాస్మతి బియ్యం వేసి మూడు కప్పుల నీళ్లు పోసి ఉడకబెట్టాలి. వేడివేడిగా తింటే బాగుంటుంది.
No comments:
Post a Comment