CommonMeal - Curry - Veg - Banana Onion Curry

అరటికాయ ఉల్లి మసాలా

అరటికాయ - 1 (తొక్క తీసి ముక్కలు కోసుకోవాలి) ఉల్లిపాయ - 1 (ముక్కలు కోసుకోవాలి) అల్లం వెల్లుల్లి పేస్ట్‌ - 1 టీస్పూను టొమాటో - 1 పచ్చిమిర్చి - 1 ఉప్పు - తగినంత నూనె - 5 స్పూన్లు జీలకర్ర - అర టీస్పూను కరివేపాకు - 1 రెమ్మఉల్లి మసాలా - 1 టీస్పూను

• పాన్‌లో నూనె పోసి తరిగిన అరటికాయ ముక్కలు వేయాలి. బంగారు రంగు వచ్చే వరకు వేగాక తీసి పక్కనుంచాలి.

• బాండ్లీలో 1 టీస్పూను నూనెను ఉంచి జీలకర్ర, ఉల్లి ముక్కలు వేసి వేయించాలి. తర్వాత అల్లం వెల్లుల్లి పేస్ట్‌ వేసి పచ్చివాసన పోయేవరకూ వేయించి కరివేపాకు, పచ్చిమిర్చి ముక్కలు వేసి వేయించాలి.

• తర్వాత ఉప్పు వేసి కలిపి టొమాటో ముక్కలు కూడా వేయాలి. తర్వాత కొద్దిగా నీళ్లు చల్లి మూత పెట్టాలి. టొమాటోలు మెత్తబడ్డాక ఉల్లి మసాలా వేసి ముందుగా వేయించి పెట్టుకున్న అరటికాయ ముక్కలు వేయాలి.

• చిన్న మంట మీద కొన్ని నిమిషాలు ఉడికించాలి. ఉడికిన తర్వాత పైపైన కొత్తిమీర చల్లి వడ్డించాలి.