CommonMeal - Curry - Veg - Paalak Chole

పాలక్‌ చోళీ

కాబూలీ శనగలు - అరకప్పు పాలకూర - 300 గ్రా. జీలకర్ర - పావు టీ స్పూను కారం - 1 టీ స్పూను అల్లం పొడి - అర టీ స్పూను దనియా జీర మసాల పొడులు - అర టీ స్పూను చొప్పున ఉల్లి తరుగు - పావు కప్పు నూనె - 2 టేబుల్‌ స్పూన్లు ఉప్పు - రుచికి తగినంత పెరుగు - అరకప్పు.

• శనగలు మునిగే వరకు నీరు పోసి కుక్కర్లో 3 విజిల్స్‌ వచ్చేవరకు ఉడికించాలి. పాలకూరలో కొద్దిగా నీరు పోసి 5 నిమిషాలు ఉడికించి చల్లారిన తర్వాత పేస్టు చేసుకోవాలి.

• కడాయిలో నూనె వేసి జీలకర్ర, ఉల్లితరుగు, జీరా, దనియా, కారం పొడులు ఒకటి తర్వాత ఒకటి వేగించాలి.

• తర్వాత పెరుగు, పాలకూర పేస్టు, తగినంత ఉప్పు వేసి చిన్నమంటపై ఉడికించాలి.

• కూర చిక్కబడ్డాక ఉడికించిన శనగలు, గరం మసాలా కలిపి మరో రెండు నిమిషాల తర్వాత దించేయాలి.

• ఈ కూర పరాటాల్లోకి చాలా బాగుంటుంది.