Biriyani - Prawns Patta Biriyani

ప్రాన్‌ పత్తా బిరియాని

రొయ్యలు - 400గ్రా పొల్లిచ మసాలా - 400గ్రా వండిన పులావ్‌ రైస్‌ - 800గ్రా అరటి ఆకులు - 4 టైగర్‌ రొయ్యలు - 400గ్రా కారం - 10గ్రా పసుపు - 5గ్రా ఉప్పు - 10గ్రా నిమ్మరసం - 3 నిమ్మకాయలు కరివేపాకు - 5గ్రా ఉల్లి తరుగు - 80గ్రా పికిల్‌ - 40గ్రా అప్పడాలు - 4 పొల్లిచ మసాలా: కొబ్బరి నూనె - 100గ్రా ఆవాలు - 10గ్రా మెంతులు - 5గ్రా వెల్లుల్లి తరుగు - 25గ్రా అల్లం తరుగు - 20గ్రా పచ్చిమిర్చి - 10గ్రా కరివేపాకు - 5గ్రా ఉల్లి ముక్కలు - 1 కిలో టొమాటో పేస్ట్‌ - 400గ్రా ఉప్పు - 10గ్రా కుంకుమ పువ్వు - 15గ్రా పసుపు - 5గ్రా కశ్మీరీ కారం - 15గ్రా ధనియాల పొడి - 20గ్రా ఫిష్‌ స్టాక్‌ - 150గ్రా

• నూనె వేడిచేసి ఆవాలు, అల్లం, వెల్లుల్లి తరుగు, కారం, కరివేపాకు, ఉల్లి ముక్కలు వేసి ఎర్రగా వేగించాలి. తర్వాత మసాలాలు వేసి టొమాటో పేస్ట్‌, ఫిష్‌ స్టాక్‌ కూడా వేసి కలపాలి.

• నూనె తేలేవరకూ ఉడికించి ఉప్పు, కుంకుమ పువ్వు వేసి దింపాలి. చిన్న రొయ్యలకు పొల్లిచ మసాలా కలిపి పక్కనుంచాలి. కారం, పసుపు, ఉప్పు, తరిగిన కరివేపాకు, నిమ్మరసంలో టైగర్‌ ప్రాన్స్‌ను నానబెట్టుకోవాలి.

• అరటి ఆకులో ముందుగా కలిపి పెట్టుకున్న చిన్న రొయ్యలు, వాటిపైన ముందుగా తయారు చేసి పెట్టుకున్న పులావ్‌, టైగర్‌ ప్రాన్స్‌ లేయర్స్‌గా పరచాలి.

• తర్వాత అరటి ఆకును నాలుగువైపుల్నుంచీ మడిచి గ్రిల్‌ మీద కాల్చాలి. అరటి ఆకు నల్లగా తయారై ఆకు వాసన రొయ్యలకు పట్టేంతవరకూ గ్రిల్‌ చేయాలి. పికిల్‌, అప్పడాలతో వేడివేడిగా తినేయాలి.