 దహీ కట్టా మూంగ్‌
|
పెసలు - కప్పు పుల్లటి పెరుగు - ఒకటిన్నర కప్పు కారం - అరచెంచా పసుపు - పావుచెంచా ఉప్పు - తగినంత నూనె - రెండు టేబుల్‌స్పూన్లు సెనగపిండి - టేబుల్‌స్పూను ఆవాలు - చెంచా కరివేపాకు - రెండు రెమ్మలు అల్లం పచ్చిమిర్చి పేస్టు - అరచెంచా కొత్తిమీర -కొద్దిగా.
పెసల్ని ముందురోజు రాత్రే నీటిలో నానబెట్టుకోవాలి. మర్నాడు అదే నీటితో సహా కుక్కర్‌లో ఉడికించుకోవాలి. అయితే మరీ మెత్తగా కాకుండా రెండు కూతలు వచ్చేవరకూ ఉడికించుకుని తీసుకుంటే చాలు.
నీటిని వంపేసి ఉడికించిన పెసల్ని ఓ గిన్నెలోకి మార్చుకోవాలి. ఇప్పుడు పెరుగును గిలకొట్టి అందులో కారం, పసుపూ, సెనగపిండీ వేసి బాగా కలపాలి. తరవాత తగినంత ఉప్పూ, అల్లం పచ్చిమిర్చి పేస్టు వేయాలి.
ఇప్పుడు బాణలిలో నూనె వేడిచేసి ఆవాలూ, కరివేపాకు వేయించి అందులో ఉడికించిన పెసల్ని వేయాలి. రెండు నిమిషాలు వేయించి తరవాత పెరుగూ, కాసిని నీళ్లు పోసి మంట తగ్గించాలి. ఇది దగ్గరకు అయ్యాక దింపేసి కొత్తిమీర అలంకరిస్తే చాలు.
No comments:
Post a Comment