 హరియాలీ ముర్గ్‌ |
చికెన్‌ - అరకేజీ పుదీనా కొత్తిమీర పాలకూర - కప్పు చొప్పున వెల్లుల్లి రెబ్బలు - మూడు పచ్చిమిర్చి - రెండు అల్లం - చిన్న ముక్క నూనె - పావుకప్పు జీలకర్ర - చెంచా లవంగాలు - మూడు ఉల్లిపాయ - ఒకటి ఉప్పు - తగినంత కారం జీలకర్రపొడి - ఒకటిన్నర చెంచా గరంమసాలా - చెంచా పెరుగు - అరకప్పు కసూరీమేథీ - చెంచా.
ముందుగా మిక్సీజారులో పుదీనా, కొత్తిమీరా పాలకూర, వెల్లుల్లి రెబ్బలూ, అల్లం, పచ్చిమిర్చి తీసుకుని మెత్తని ముద్దలా చేసుకోవాలి.
ఇప్పుడు అడుగు మందంగా ఉన్న గిన్నెలో నూనె వేడిచేసి జీలకర్రా, లవంగాలూ వేయించాలి. రెండు నిమిషాల తరవాత ఉల్లిపాయముద్ద వేయాలి. దాని పచ్చివాసన పోయాక శుభ్రం చేసిన చికెన్‌ ముక్కలు వేయాలి.
ఐదు నిమిషాల తరవాత ముందుగా చేసుకున్న మసాలా, తగినంత ఉప్పూ, జీలకర్రపొడి వేసి మంట తగ్గించేయాలి.
చికెన్‌ ఉడికాక గిలకొట్టిన పెరుగూ, గరంమసాలా, కసూరీమేథీ వేసి బాగా కలిపి రెండు నిమిషాలయ్యాక దింపేయాలి.
No comments:
Post a Comment