 రాజ్‌మా, క్యాప్సికం టిక్కీ |
రాజ్‌మా - రెండు కప్పులు బ్రెడ్‌పొడి - కప్పు క్యాప్సికం - రెండు జీలకర్రపొడి గరంమసాలా - ఒకటిన్నర చెంచాల చొప్పున మిరియాలపొడి - చెంచా ఎండుమిర్చి గింజలు - చెంచా ఉప్పు - తగినంత అల్లం తరుగు - చెంచా వెల్లుల్లి ముక్కలు - రెండు చెంచాలు కొత్తిమీర - రెండు కట్టలు పుదీనా - కట్ట మైదా - ముప్పావుకప్పు నూనె - కప్పు.
రాజ్‌మాను ముందురోజు రాత్రే నానబెట్టుకోవాలి. మర్నాడు కుక్కర్‌లో ఆ నీటితో తీసుకుని పొయ్యిమీద పెట్టాలి. ఎనిమిది నుంచి పదికూతలు వచ్చాక దింపేయాలి.
వేడి చల్లారాక ఈ రాజ్‌మాను మిక్సీజారులోకి తీసుకుని మెత్తని ముద్దలా చేసుకోవాలి. అందులో నూనె, మైదా, బ్రెడ్‌పొడి తప్ప మిగిలిన పదార్థాలన్నీ వేసుకుని బాగా కలుపుకోవాలి. ఈ పిండిని కాసేపు ఫ్రిజ్‌లో ఉంచాలి.
ఇంతలో మైదాలో సరిపడా నీళ్లు పోస్తూ గరిటెజారుగా పిండిలా చేసుకుని పెట్టుకోవాలి. నానిన రాజ్‌మా మిశ్రమాన్ని ఫ్రిజ్‌లోంచి తీసుకుని చిన్నచిన్న టిక్కీల్లా తట్టుకోవాలి.
ఒకదాన్ని మైదా మిశ్రమంలో ఉంచి.. తరవాత బ్రెడ్‌పొడి అద్దాలి. ఇలాగే మిగిలినవీ చేసుకోవాలి.
ఇలా చేసుకున్న వాటిని పెనంమీద ఉంచి, నూనె వేసుకుంటూ రెండువైపులా కాల్చి తీసుకుంటే చాలు. అయితే పెనంమీద పెట్టే ముందే వీటిని మైదా మిశ్రమంలో ముంచాలి. లేదంటే నానిపోయి.. టిక్కీ ముద్దలా అయిపోతుంది.
No comments:
Post a Comment