|
చికెన్ లెగ్ - రెండు నిమ్మగడ్డి - ఒక కట్ట వెల్లుల్లి రెబ్బలు - నాలుగు అల్లం - రెండు అంగుళాల ముక్క కొబ్బరిపాలు - అరగ్లాసు ఫిష్ సాస్ - రెండు పెద్ద చెంచాలు (బజార్లో లభిస్తుంది) సోయా సాస్ - మూడు చెంచాలు కొత్తిమీర తరుగు - గుప్పెడు నిమ్మఆకు - ఒకటి.
సాస్ కోసం
వెనిగర్ - రెండు టేబుల్స్పూన్లు అల్లం తరుగు - రెండు చెంచాలు వెల్లుల్లి రెబ్బలు - రెండు ఫిష్ సాస్ - మూడు పెద్ద చెంచాలు తేనె - పావుకప్పు కన్నా తక్కువ మొక్కజొన్న పిండి - చెంచా ( మూడు పెద్ద చెంచాల నీటిలో కలిపి పెట్టుకోవాలి).
ఓవెన్ను ముందుగా 325 డిగ్రీల ఉష్ణోగ్రతలో వేడి చేయాలి. చికెన్ను కడగాలి. నిమ్మ గడ్డి, వెల్లుల్లి, అల్లం, ఫిష్సాస్, సోయాసాస్, నిమ్మఆకు, కొబ్బరిపాలు తీసుకుని అన్నింటినీ మిక్సీ పడితే చిక్కని మిశ్రమం తయారవుతుంది.
ఇప్పుడు చికెన్ను వెడల్పాటి బాణలిలో రెండు నిమిషాలు వేయించి ఆ తరవాత కొబ్బరి మిశ్రమాన్ని వేసేయాలి. వాటికి ఈ మిశ్రమం బాగా పట్టేలా చేతులతో కలపాలి. ఇలా చేసుకున్న చికెన్ ముక్కల్ని కనీసం అరగంట పాటు ఫ్రిజ్లో ఉంచాలి.
ఈ చికెన్ను ముందుగా గ్రిల్ చేయాలి. బంగారువర్ణంలోకి వస్తున్నప్పుడు సిల్వర్ఫాయిల్ చుట్టి ఓవెన్లో మరికాసేపు గ్రిల్పై ఉంచాలి.
ఇంతలో సాస్ తయారుచేసుకోవాలి. ఓ పాత్రలో మొక్కజొన్న పిండి తప్ప సాస్కోసం సిద్ధం చేసుకున్న పదార్థాలన్నింటినీ తీసుకుని ఒకదాని తరవాత మరొకటి వేసి సన్నని మంటపై ఉంచి మరిగించాలి.
సాస్ ఉప్పగా ఉండాలనుకుంటే ఇంకాస్త ఫిష్సాస్ వేసుకోవచ్చు. కాసేపయ్యాక మొక్కజొన్న పిండి కలిపిన నీటిని కూడా కలపాలి. సాస్ చిక్కగా అయ్యాక తీసేయాలి.
ముందుగా పళ్లెంలో చికెన్ ముక్కల్ని ఉంచి, పైన సాస్ వేయాలి. చివరగా కొత్తిమీర తరుగు చల్లితే సరిపోతుంది. నేరుగానే కాదు... ముక్కలుగా తరిగి కూడా వడ్డించవచ్చు.
No comments:
Post a Comment