 నువ్వుల బర్ఫీ |
| మరి కొన్ని బర్ఫీ రుచులు |
| సలహాలు & సూచనలు |
కావలసిన పదార్థాలు
*నువ్వులు - మూడు కప్పులు
* చక్కెర - రెండున్నర కప్పులు
* పల్లీలు - కప్పు
* ఎండుకొబ్బరితురుము - అరకప్పు
* జీడిపప్పు - కొద్దిగా
* నెయ్యి - రెండు చెంచాలు.
తయారుచేయు విధానం
నువ్వులూ, పల్లీలను నూనె లేకుండా విడివిడిగా వేయించుకోవాలి. వాటి వేడి చల్లారాక నువ్వుల్ని పొడి చేసుకోవాలి. తరవాత పల్లీలను కూడా పొట్టు తీసేసి పొడిచేసుకోవాలి.
ఇప్పుడు మందపాటి గిన్నెలో పంచదార మునిగేవరకూ నీళ్లు పోసుకుని తీగపాకం వచ్చేవరకూ ఆగాలి. అప్పుడు ముందుగా చేసుకున్న పొడులతో పాటూ మిగిలిన పదార్థాలన్నీ వేసుకుని ఉండలు కట్టకుండా కలుపుకోవాలి.
మధ్యమధ్య కొద్దిగా నెయ్యి వేస్తే మిశ్రమం అంటుకోకుండా వస్తుంది. అది దగ్గరపడ్డాక దింపేయాలి. దీన్ని నెయ్యిరాసిన పళ్లెంలోకి తీసుకుని చల్లారాక బిళ్లల్లా కోసుకుంటే సరిపోతుంది. పైన జీడిపప్పు అద్దుకోవాలి.
No comments:
Post a Comment