 స్వీట్‌కార్న్‌ ఐస్‌
|
స్వీట్‌కార్న్‌ పొత్తులు - నాలుగు చిక్కటి పాలు - రెండు కప్పులు చిక్కని క్రీం - రెండు కప్పులు చక్కెర - ముప్పావు కప్పు గుడ్లు - నాలుగు (పచ్చసొన మాత్రమే తీసుకోవాలి).
ఒక పాన్‌లో స్వీట్‌కార్న్‌ని తీసుకుని దోరగా వేయించుకుని తీసుకోవాలి.
ఇప్పుడు ఓ మందపాటి అడుగు ఉన్న గిన్నెలో పాలూ, క్రీం, సగం చక్కెరా, స్వీట్‌కార్న్‌ గింజలూ తీసుకుని పొయ్యి మీద పెట్టాలి. అన్నీ ఉడికాక దింపేయాలి.
. ఈ మిశ్రమం చల్లారాక మిక్సీజారులోకి తీసుకుని మెత్తగా చేసుకుని మరో పాన్‌లో వేసి మళ్లీ పొయ్యిమీద పెట్టాలి. ఇప్పుడు కోడిగుడ్ల సొనలో మిగతా పంచదార వేసుకుని బాగా గిలకొట్టుకోవాలి.
సన్నని మంటపై మరుగుతున్న మొక్కజొన్న మిశ్రమంలోంచి ఒక కప్పు తీసుకుని కోడిగుడ్డు చక్కెర మిశ్రమంలో వేసుకోవాలి. దీన్ని ఐదు నిమిషాలు వేడి చేసి తరవాత దింపేయాలి.
ఇప్పుడు మిగిలిన మొక్కజొన్న మిశ్రమాన్ని కూడా చేర్చాలి. చివరకు. దీన్ని వడకట్టి, చల్లార్చి ఫ్రీజర్‌లో ఉంచేయాలి. నాలుగైదు గంటలయ్యాక ఇవతలకు తీసి మరోసారి మిక్సీ జారులోకి తీసుకుని మెత్తగా చేసుకోవాలి. దీన్ని మళ్లీ ఫ్రిజ్‌లో ఉంచి.. గట్టిపడ్డాక ఇవతలకు తీయాలి.
No comments:
Post a Comment