 ముర్గ్‌ మసాలా |
ఆవనూనె - పావుకప్పు కలోంజీ గింజలు(బజార్లో దొరుకుతాయి) వాము - ఒకటిన్నర చెంచా చొప్పున వెల్లుల్లి ముక్కలు - రెండు టేబుల్‌స్పూన్లు ఉల్లిపాయలు - మూడు (సన్నగా తరగాలి) టొమాటోలు - రెండు (సన్నగా తరగాలి) అల్లం తరుగు - చెంచా పచ్చిమిర్చి - మూడు కరివేపాకు రెబ్బలు - మూడు ఎముకల్లేని చికెన్‌ - కేజీ టొమాటో ముద్ద - టేబుల్‌స్పూను కారం - మూడు చెంచాలు మిరియాలపొడి - చెంచా జీలకర్రపొడి - చెంచా ధనియాలపొడి - అరచెంచా ఉప్పు - తగినంత కొత్తిమీర - కట్ట.
బాణలిలో నూనె వేడిచేసుకోవాలి. ఇందులో కలోంజీ గింజలూ, వామూ వేయించాలి. రెండు నిమిషాల తరవాత వెల్లుల్లి, అల్లం తరుగూ, ఉల్లిపాయ టొమాటో, పచ్చిమిర్చి ముక్కలూ వేయించాలి.
ఉల్లిపాయ ముక్కలు రంగు మారాక కరివేపాకూ, శుభ్రం చేసిన చికెన్‌ ముక్కలూ, కాసిని నీళ్లూ, టొమాటో ముద్దా వేసి బాగా కలపాలి.
చికెన్‌ కొద్దిగా ఉడికాక కారం, మిరియాలపొడీ, జీలకర్రపొడీ, ధనియాలపొడీ, తగినంత ఉప్పూ వేసి మంట తగ్గించి మూత పెట్టేయాలి. చికెన్‌ మెత్తగా అయ్యాక కొత్తిమీర తరుగు వేసి దింపేస్తే చాలు.
No comments:
Post a Comment