 కాప్సికం రైతా |
పెరుగు - 3 కప్పులు దోసకాయ -1 కాప్సికం - 2 ఉప్పు - రుచికి తగినంత కొత్తిమీర - 2 టేబుల్ స్పూన్లు నూనె - కొద్దిగా.
కాప్సికం, దోసకాయని సన్నగా తరిగిపెట్టుకోవాలి. కాప్సికంని మాత్రమే నూనెలో కాసేపు వేగనిచ్చి తీసేయాలి.
తర్వాత పెరుగులో ఉప్పు, దోస ముక్కలు, వేగిన కాప్సికం, కొత్తిమీరను వేసి బాగా కలపాలి. ఈ రైతా బిర్యాని, పరాటా, చపాతీల్లో దేన్లోకైనా బాగుంటుంది.
 ఆలూ రైతా |
ఆలు - 2 పెరుగు - 2 కప్పులు పచ్చిమిర్చి - 2 వెల్లుల్లి - 2 రేకలు జీరాపొడి - అర టీ స్పూను పుదీనా ఆకులు - 1 టేబుల్ స్పూను ఉప్పు - రుచికి తగినంత.
ముందుగా ఆలుగడ్డల్ని మెత్తగా ఉడికించి తొక్కతీసి మెదిపి పెట్టుకోవాలి.
పచ్చిమిర్చి, పుదీనా, వెల్లుల్లి గ్రైండు చేసుకోవాలి. తర్వాత పెరుగులో మెదిపిన ఆలు గుజ్జు, పుదీనా మిశ్రమం, జీరాపొడి, ఉప్పు వేసి బాగా కలపాలి.
ఈ రైతా పరాటాల్లోకి, అన్నంలోకి బాగుంటుంది.
 గుమ్మడి రైతా |
గుమ్మడికాయ ముక్కలు - 2 కప్పులు పచ్చిమిర్చి - 2 పచ్చికొబ్బరి ముక్కలు - అరకప్పు పెరుగు - 3 కప్పులు ఉప్పు - రుచికి తగినంత పుట్నాలు - 1 టేబుల్ స్పూను నూనె - 2 టీ స్పూన్లు శనగపప్పు - 1 టీ స్పూను మినప్పప్పు - 1 టీ స్పూను పసుపు - అర టీ స్పూను కరివేపాకు - 4 రెబ్బలు ఆవాలు - అర టీ స్పూను.
గుమ్మడి ముక్కల్ని మరీ మెత్తగా కాకుండా ఉడికించుకోవాలి. పచ్చిమిర్చి, పుట్నాలు, కొబ్బరి గ్రైండ్ చేసుకోవాలి.
కొబ్బరి మిశ్రమం, ఉడికించిన గుమ్మడి ముక్కలు, ఉప్పు పెరుగులో వేసి కలపాలి. తర్వాత కడాయిలో నూనె వేసి మినప్పప్పు, శనగపప్పు, ఆవాలు, పసుపు, కరివేపాకులతో తాలింపు పెట్టి పెరుగు మిశ్రమంలో కలపాలి. ఈ రైతా బ్రెడ్తో చాలా బాగుంటుంది.
 ముల్లంగి రైతా |
ముల్లంగి - 2 టమేటో -1 ఉల్లిపాయ తరుగు - 2 టేబుల్ స్పూన్లు ఉప్పు - రుచికి తగినంత పెరుగు - 3 కప్పులు ఎండుమిర్చి - 2 జీరాపొడి - అర టీ స్పూను జీలకర్ర - అర టీ స్పూను.
టమేటో, ఉల్లిపాయల్ని సన్నగా తరగాలి. ముల్లంగిని మాత్రం తురుముకోవాలి. పెరుగులో ఈ ముక్కలు, ఉప్పు వేసి కలపాలి.
తర్వాత కడాయిలో నూనె వేసి ఎండుమిర్చి, జీలకర్ర, జీరాపొడితో తాలింపు పెట్టి పెరుగు మిశ్రమంలో కలపాలి. ఈ రైతా చపాతీల్లోకి బాగుంటుంది.
 ఆలు బూందీ పచ్చడి
|
ఆలుగడ్డలు - రెండు బూందీ - పావు కప్పు పెరుగు - రెండు కప్పులు కొత్తిమీర తురుము - కొద్దిగా ధనియాల పొడి - ఒక టీ స్పూను కారం - అర టీ స్పూను ఉప్పు - తగినంత నూనె - సరిపడా.
ముందుగా ఆలుగడ్డల్ని ముక్కలు కోసి ఉడికించుకోవాలి. మెత్తగా ఉడికాక పొట్టు తీసి చిదుముకుని పక్కన పెట్టుకోవాలి.
పొయ్యి మీద గిన్నె పెట్టి సరిపడా నూనె పోసి కాగాక ఆలు ముద్ద వేయాలి. ధనియాల పొడి, కారం, ఉప్పు కూడా వేసి బాగా కలపాలి. పచ్చివాసన పోయాక దించేయాలి.
బాగా చల్లారాక పెరుగు వేసి కలపాలి. చివర్లో బూందీ వేసుకోవాలి. దీన్ని అన్నంతో కాకుండా స్నాక్లా కూడా తినొచ్చు.
 చింతచిగురు పెరుగు పచ్చడి
|
పెరుగు - 200 గ్రా కొబ్బరి తురుము - 100 గ్రా ఉప్పు - తగినంత పచ్చి శనగపప్పు - 10 గ్రా మినప్పప్పు - 10 గ్రా ఆవాలు - టీస్పూను కరివేపాకు - రెండు రెమ్మలు చింతచిగురు - 20 గ్రా మిరప్పొడి - 10 గ్రా ఎండుమిర్చి - 5గ్రా నూనె - టీ స్పూన్.
పెరుగులో ఉప్పు, కొబ్బరి తురుము కలపాలి.
బాణలిలో నూనె వేడిచేసి ఆవాలు, ఎండుమిర్చి, పచ్చిశనగపప్పు, మిన ప్పప్పు, కరివేపాకు వరుసగా వేసి వేగిన తరువాత చివరగా చింతచిగురు, మిరప్పొడి వేయాలి.
చింతచిగురు మెత్తబడ్డాక దించేసి, పెరుగు మిశ్రమంలో కలపాలి. అంతే, పెరుగు పచ్చడి రెడీ!
 సొరకాయ రైతా
|
చిక్కని పెరుగు - కప్పు పాలు - అరకప్పు సొరకాయ తురుము - కప్పు నూనె - రెండు చెంచాలు జీలకర్ర - చెంచా ఇంగువ - చిటికెడు ఎండుమిర్చి - రెండు అల్లం తరుగు - చెంచా కొత్తిమీర - కట్ట (సన్నగా తరగాలి) ఉప్పు - తగినంత.
పెరుగూ, పాలూ ఓ గిన్నెలో తీసుకుని క్రీంలా అయ్యేవరకూ గిలకొట్టి పెట్టుకోవాలి.
ఇప్పుడు బాణలిలో నూనె వేడిచేసి జీలకర్రా, ఇంగువా, ఎండుమిర్చీ వేయించుకోవాలి. రెండు నిమిషాల తరవాత సొరకాయ తురుమూ, అల్లం, కొత్తిమీర తరుగూ, సరిపడా ఉప్పూ వేసి వేయించి మూత పెట్టేయాలి.
ఐదారు నిమిషాలకు సొరకాయ తురుములోని పచ్చివాసన పోయి, కూరలా దగ్గరకు అవుతుంది. అప్పుడు దింపేయాలి. ఇది బాగా చల్లారాక పెరుగులో వేసి కలిపితే చాలు.
 పుదీనా రైతా
|
కొత్తిమీర - కట్ట పుదీనా - కట్ట చిక్కటి పెరుగు - కప్పు ఉప్పు - తగినంత పచ్చిమిర్చి - రెండు వేయించిన జీలకర్రపొడి - ముప్పావుచెంచా చాట్మసాలా - పావుచెంచా.
పుదీనా, కొత్తమీరా, పచ్చిమిర్చీ బాగా కడిగి మిక్సీ జారులోకి తీసుకుని మెత్తని ముద్దలా చేసుకోవాలి. దీన్ని గిలకొట్టిన పెరుగులో వేసి బాగా కలపాలి.
తరవాత ఉప్పూ, జీలకర్రపొడీ, చాట్మసాలా వేసుకుని బాగా కలిపితే చాలు. పుదీనా రైతా సిద్ధం. దీన్ని బిర్యానీలాంటి వాటితోనే కాదు, చపాతీలతోనూ తినొచ్చు.
